Литургия Иоанна Златоуста

Литургия Оглашенных

Диакон: Благослови, владыко.
Священник: Благословено Царство Отца и Сына, и Святаго Духа, ныне и присно и во веки веков.
Хор: Аминь.

Великая (мирная) ектения
    
Диакон: Миром Господу помолимся.
Хор: Господи, помилуй.
О свышнем мире и спасении душ наших, Господу помолимся.
Хор: Господи, помилуй.
О мире всего мира, благостоянии святых Божиих церквей и соединении всех, Господу помолимся.
Хор: Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Хор: Господи, помилуй.
О Великом  Господине и Отце нашем Святейшем Патриархе Кирилле, и о, честнем пресвитерстве, во Христе диаконстве, о всем причте и людех, Господу помолимся.
Хор: Господи, помилуй.
О богохранимей стране нашей, властех и воинстве ея  Господу помолимся.
Хор: Господи, помилуй.
О граде сем, всяком граде, стране и верою живущих в них, Господу помолимся.
Хор: Господи, помилуй.
О благорастворении воздухов, о изобилии плодов земных и временех мирных Господу помолимся.
Хор: Господи, помилуй.
О плавающих, путешествующих, недугующих, страждущих, плененных и о спасении их Господу помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Хор: Тебе, Господи.
Священник: Яко подобает Тебе всякая слава, честь и поклонение, Отцу и Сыну и Святому Духу, ныне и присно, и во веки веков.
Хор: Аминь.

Во время пения 1 - го антифона священник читает тихо следующую молитву:

Господи Боже наш, Егоже держава несказанна и слава непостижима, Егоже милость безмерна и человеколюбие неизреченно! Сам, Владыко, по благоутробию Твоему призри на ны и на святый храм сей и сотвори с нами и молящимися с нами богатыя милости Твоя и щедроты Твоя. 

Антифон 1 - й (стихи 102 - го псалма)

Хор: Благослови, душе моя, Господа, благословен еси Господи. Благослови, душе моя, Господа, и вся внутренняя моя, имя святое Его.
Благослови, душе моя, Господа, и не забывай всех воздаяний Его: очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое. Обновится яко орля юность твоя.
Творяй милостыни Господь, и судьбу всем обидным. Сказа пути Своя Моисеови, сыновом Израилевым хотения Своя.
Щедр и милостив Господь, долготерпелив и многомилостив.
Слава Отцу и Сыну, и Святому Духу, и ныне и присно и во веки веков. Аминь
Благослови, душе моя, Господа, и вся внутренняя моя, имя святое Его. Благословен еси, Господи.

Малая ектения


Диакон: Паки и паки миром Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Хор: Тебе, Господи.
Священник: Яко Твоя держава и Твое Царство, и сила, и слава, Отца и Сына и Святаго Духа, ныне и присно, и во веки веков.
Хор: Аминь.

Во время пения 2 - го антифона священник тихо читает следующую молитву:

Господи Боже наш! Спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех возпрослави божественную Твоею силою и не остави нас, уповающих на Тя. 

Антифон 2 - й (псалом 145 - й)
Хор: Слава Отцу и Сыну, и Святому Духу.
Хвали, душе моя, Господа: восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух его и возвратится в землю свою; в той день погибнут вся помышления его. Блажен, емуже Бог Иаковль помощник его, упование его на Господа Бога своего, сотворшаго небо и землю, море, и вся яже в них: хранящаго истину в век, творящаго суд обидимым, дающаго пищу алчущим. Господь решит окованныя, Господь умудряет слепцы, Господь возводит низверженныя, Господь любит праведники. Господь хранит пришельцы, сира и вдову приимет, и путь грешных погубит. Воцарится Господь во век, Бог твой, Сионе, в род и род.
И ныне и присно и во веки веков, Аминь.

Единородный Сыне
Единородный Сыне и Слове Божий безсмертен сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся, распный ся же Христе Боже, смертию смерть поправый, един сый Святыя Троицы, спрославляемый Отцу и Святому Духу, спаси нас.

Малая ектения

Паки и паки миром Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Хор: Тебе, Господи.
Священник: Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков.
Хор: Аминь.

Во время пения 3 - го антифона священник тихо читает следующую молитву:

Иже общия сия и согласныя даровавый нам молитвы, Иже и двема или трем согласующимся о имени Твоем прошения подати обещавый! Сам и ныне раб Твоих прошения к полезному исполни, подая нам в настоящем веце познание Твоея истины и в будущем живот вечный даруя.

 Антифон 3 - й, Блаженны

Хор: Во Царствии Твоем помяни нас, Господи, егда приидеши во Царствии Твоем.
Блажени нищии духом, яко тех есть Царство Небесное.
Блажени плачущии, яко тии утешатся.
Блажени кротцыи, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.
Блажени чистии сердцем, яко тии Бога узрят.
Блажени миротворцы, яко тии сынове Божии нарекутся.
Блажени изгнани правды ради, яко тех есть Царство Небесное.
Блажени есте, егда поносят вам и изженут, и рекут всяк зол глагол на вы, лжуще мене ради.
Радуйтеся и веселитеся, яко мзда ваша многа на небесех.

Во время пения заповедей Блаженства открываются царские врата для Малого входа. Диакон выносит св. Евангелие, прислужники несут впереди свечи. Этот вход служит подготовлением к последующему вскоре чтению святого Евангелия. Священник же тихо молится:

Владыко Господи Боже наш, уставивый на небесех чины и воинства Ангел и Архангел в служение Твоея славы! Сотвори со входом нашим входу святых Ангелов быти, сослужащих нам и сославословящих Твою благость.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Диакон: Премудрость, прости!

Предстоящие, видя в переносимом Евангелии как бы Самого Иисуса Христа, явившегося в мир на проповедь, поклоняются Ему с пением торжественной песни:

Хор: Приидите, поклонимся и припадем ко Христу. Спаси ны, Сыне Божий, воскресый из мертвых ( на буднях - «во святых дивен Сый»),поющия Ти: Аллилуиа.

Затем поются тропари и кондаки праздника и храма. Священник в это время благодарит Бога, Которого на небе Трисвятой песнью прославляют Серафимы и Херувимы за то, что Он создал человека по Своему образу и подобию, и за то, что Он удостоил его, священника, предстать перед страшным престолом и просить, чтобы Он принял от нас, людей, Трисвятую песнь, заканчивая молитву возгласом:

Священник: Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков.
Хор: Аминь.

Трисвятое

Святый Боже, Святый Крепкий, Святый Безсмертный, помилуй нас (трижды).
Слава Отцу, и Сыну, и Святому Духу, и ныне и присно, и во веки веков. Аминь.
Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.

Во дни Рождества Христова, Крещения Господня, неделю Пасхи и Святой Троицы вместо Трисвятого поется:

Елицы во Христа крестистеся, во Христа облекостеся. Аллилуиа.

Так поется потому, что в древности оглашенные принимали Таинство Крещения преимущественно в эти дни.
    
По окончании Трисвятого читается Апостол, отрывок из апостольских посланий, а затем читается Евангелие. Перед Евангелием, во время пения «Аллилуиа», диакон кадит алтарь, иконостас и молящихся. Перед чтением Евангелия священник молится:

Возсияй в сердцах наших, Человеколюбче Владыко, Твоего богоразумия нетленный Свет, и мысленныя наша отверзи очи, во евангельских Твоих проповеданий разумение; вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему, и мудрствующе, и деюще.
Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

Диакон: Боагослови, владыко, благовестителя святаго апостола и евангелиста (имя евангелиста).
Священник (благословляя): Бог, молитвами святаго, славнаго, всехвальнаго апостола и евангелиста (имя), да даст тебе глагол, благовествующему силою многою, во исполнение Евангелиа Возлюбленного Сына Своего, Господа нашего Иисуса Христа.
Диакон: Аминь.
Священник: Премудрость, прости, услышим Святаго Евангелиа. Мир всем.
Хор: И духови твоему.
Диакон: От (имя) Святаго Евангелиа чтение.
Хор: Слава Тебе, Господи, слава Тебе.
Священник: Вонмем.

И читается Евангелие. По окончании чтения:

Хор: Слава Тебе, Господи, слава Тебе.

Сугубая ектения

Рцем вси от всея души, и от всего помышления нашего рцем.
Хор: Господи, помилуй.
Господи Вседержителю, Боже отец наших, молимтися, услыши и помилуй.
Хор: Господи, помилуй.
Помилуй нас, Боже, по велицей милости Твоей, молимтися, услыши и помилуй.
Хор: Господи, помилуй (трижды).
Еще молимся о Великом Господине и Отце нашем Святейшем Патриархе Кирилле и Господине нашем (имя рек правящего епископа), и всей во Христе братии нашей.
Хор: Господи, помилуй (трижды).
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды).
Еще молимся о братиях наших, священницех, священномонасех, и всем во Христе братстве нашем.
Хор: Господи, помилуй (трижды).
Еще молимся о блаженных и приснопамятных создателех святаго храма сего, и о всех преждепочивших отцех и братиях, зде лежащих и повсюду православных.
Хор: Господи, помилуй (трижды).
Еще молимся о милости, жизни, мире, здравии, спасении, посещении, прощении оставлении грехов рабов Божиих, братии святаго храма сего.
Хор: Господи, помилуй (трижды).
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Хор: Господи, помилуй (трижды).
Священник тихо молится:

Молитва прилежного моления

Господи Боже наш, прилежное сие моление приими от Твоих раб, и помилуй нас, по множеству милости Твоея, и щедроты Твоя низпосли на ны и на вся люди Твоя, чающия от Тебе богатыя милости.

Священник: Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.

За сугубой ектенией читается ектения об усопших (кроме двунадесятых и храмовых праздников), при открытых царских вратах:

Диакон: Помилуй нас, Боже, по велицей милости Твоей, молимтися, услыши и помилуй.
Еще молимся о упокоении душ усопших рабов Божиих (имена) и о еже проститися им всякому прегрешению, вольному же и невольному.
Яко да Господь Бог учинит души их, идеже праведнии упокояются.
Милости Божия, Царства Небеснаго и оставления грехов их у Христа, Безсмертнаго Царя и Бога нашего, просим.
Хор: Подай, Господи.
Диакон: Господу помолимся.
Хор: Господи помилуй.
Священник молится тихо: Боже духов и всякия плоти, смерть поправый и диавола упразднивый, и живот миру Твоему даровавый! Сам, Господи, покой души усопших раб Твоих
Священник: Яко Ты еси воскресение, и живот, и покой усопших раб Твоих (имена) в месте светле, в месте злачне, в месте покойне, отнюдуже отбеже болезнь, печаль и воздыхание; всякое согрешение, содеянное ими словом, или делом, или помышлением, яко Благий Человеколюбец Бог, прости. Яко несть человек, иже жив будет и не согрешит; Ты бо един кроме греха, правда Твоя правда во веки, и слово Твое истина. (имена), Христе Боже наш, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков.

Царские врата закрываются.

Ектения об оглашенных

Диакон: Помолитеся, оглашении, Господеви.
Вернии, о оглашенных помолимся, да Господь помилует их.
Огласит их словом истины.
Открыет им Евангелие правды.
Соединит их Святей Своей, Соборней и Апостольстей Церкви.
Спаси, помилуй, заступи и сохрани их, Боже, Твоею благодатию.
Оглашении, главы ваша Господеви приклоните.
Хор: Тебе, Господи.
Священник тихо читает молитву:

Молитва об оглашенных

Господи Боже наш, Иже на высоких живый и на смиренныя призираяй, Иже спасение роду человеческому низпославый, Единороднаго Сына Твоего и Бога, Господа нашего Иисуса Христа! Призри на рабы Твоя оглашенныя, подклоньшия Тебе своя выя, и сподоби я во время благополучное бани пакибытия, оставления грехов и одежди нетления, соедини их Святей Твоей, Соборней и Апостольстей Церкви и сопричти их избранному Твоему стаду.

Священник: Да и тии с нами славят пречестное и великолепное имя Твое, Отца и Сына и Святаго Духа, ныне и присно и во веки веков.
Хор: Аминь.

По окончании этой ектении некрещеные в древности покидали храм, о чем диакон напоминает словами:

Диакон: Елицы оглашении, изыдите; оглашении, изыдите; елицы оглашении изыдите. Да никто от оглашенных, елицы вернии, паки и паки миром Господу помолимся.


Литургия Верных

Литургия верных начинается двумя краткими ектениями.

Хор: Господи, помилуй.
Диакон: Заступи, спаси, помилуй и сохрани нас, Боже, Твоею благодатию. Премудрость.
Священник молится про себя:

Молитва верных первая

Благодарим Тя, Господи Боже сил, сподобившаго нас предстати и нане святому Твоему Жертвеннику и припасти ко щедротам Твоим о наших гресех и о людских неведениих. Приими, Боже, моление наше, сотвори ны достойны быти, еже приносити Тебе моления и мольбы и Жертвы Безкровныя о всех людех Твоих; и удовли нас, ихже положил еси в службу Твою сию, силою Духа Твоего Святаго неосужденно и непреткновенно в чистем свидетельстве совести нашея призывати Тя на всякое время и место. Да, послушая нас, милостив нам будеши во множестве Твоея благости.

Священник: Яко подобает Тебе всякая слава, честь и поклонение, Отцу и Сыну и Святому Духу, ныне и присно, и во веки веков.
Хор: Аминь

Сокращенная великая ектения

Диакон: Паки и паки миром Господу помолимся.
Хор: Господи, помилуй.
О свышнем мире и спасении душ наших Господу помолимся.
Хор: Господи, помилуй.
О мире всего мира, благостоянии святых Божиих церквей и соединении всех Господу помолимся.
Хор: Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Премудрость.
Священник тихо читает молитву:

Молитва верных вторая

Паки и многажды Тебе припадаем и Тебе молимся, Благий и Человеколюбче, яко да, призрев на моление наше, очистиши наша души и телеса от всякия скверны плоти и духа, и даси нам неповинное и неосужденное предстояние святаго Твоего Жертвенника. Даруй же, Боже, и молящимся с нами преспеяние жития, и веры, и разума духовнаго. Даждь им, всегда со страхом и любовию служащим Тебе, неповинно и неосужденно причаститися Святых Твоих Таин, и Небеснаго Твоего Царствия сподобитися.

Священник: Яко да под державою Твоею всегда храними, Тебе славу возсылаем, Отцу и Сыну, и Святому Духу, ныне и присно и во веки веков.
Хор: Аминь.

Херувимская песнь

Хор поет протяжно: Иже Херувимы тайно образующе, и Животворящей Троице трисвятую песнь припевающе, всякое ныне житейское отложим попечение.

Великий вход

Аминь. Яко да Царя всех подымем, Ангельскими невидимо дориносима чинми. Аллилуйа.

Когда хор поет первую половину Херувимской песни, священник молится об очищении души и сердца священнослужителя для достойного совершения Св. Евхаристии. Затем священнослужащие подходят к Жертвеннику, берут дискос и Чашу и, предваряемые свечой, несут их через северные, а затем через царские врата на Престол. Во время этого шествия священнослужители поминают правящего епископа, гражданские власти, духовенство, жертвователей и благотворителей храма и всех православных христиан, заканчивая словами: «Да помянет Господь Бог во Царствии Своем». Шествие это от жертвенника к Престолу называется Великим входом и напоминает верующим торжественный вход Господа Иисуса Христа в Иерусалим и шествие Его с крестом на добровольные страдания. «Дориносима» в переводе означает носимый на копьях. В древности римские воины при возглашении нового императора несли его в торжественной процессии на щите на копьях.
Поставив Дары на престол, священник покрывает Чашу и дискос платом, напоминающим погребальное полотно (плащаницу), которым Иосиф обвил бездыханное тело Спасителя.

Просительная ектения

Диакон: Исполним молитву нашу Господеви.
Хор: Господи, помилуй.
О предложенных Честных Дарех Господу помолимся.
Хор: Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Дне всего совершенна, свята, мирна и безгрешна у Господа просим.
Хор: Подай, Господи.
Ангела мирна, верна наставника хранителя душ и телес наших, у Господа просим.
Хор: Подай, Господи.
Прощения и оставления грехов и прегрешений наших, у Господа просим.
Хор: Подай, Господи.
Добрых и полезных душам нашим и мира мирови у Господа просим.
Хор: Подай, Господи.Прочее время живота нашего в мире и покаянии скончати, у Господа просим.
Хор: Подай, Господи.
Христианския кончины живота нашего, безболезнены, непостыдны, мирны и добраго ответа на Страшнем Судищи Христове просим.
Хор: Подай, Господи.
Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Хор: Тебе, Господи.
Священник в это время молится:

Молитва приношения

Господи Боже Вседержителю, Едине Святе, приемляй жертву хваления от призывающих Тя всем сердцем, приими и нас, грешных, моление, и принеси ко Святому Твоему Жертвеннику, и удовли нас приносити Тебе дары же и жертвы духовныя о наших гресех и о людских неведениих; и сподоби нас обрести благодать пред Тобою, еже быти Тебе благоприятней жертве нашей и вселитися Духу благодати Твоея благому в нас, и на предлежащих Дарех сих, и на всех людех Твоих.

Священник: Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно , и во веки веков.
Хор: Аминь.

После ектении напоминается всем, что жертва должна быть приносима в душевном мире и взаимной любви.

Священник: Мир всем!
Хор: И духови твоему.
Диакон: Возлюбим друг друга, да единомыслием исповемы.
Хор, от лица присутствующих, отвечает: Отца и Сына и Святаго Духа, Троицу Единосущную и Нераздельную.
Диакон: Двери, двери! Премудростию вонмем.

В древности христиане не открывали таинства своей веры некрещеным. Потому, пред началом пения исповедования веры (Символа веры), диакон говорил придверникам: «Двери, двери!» - призывая их внимательно следить, чтобы не вошел в храм кто-либо из некрещеных, затем обращался к предстоящим верным со словами: «Премудростию вонмем!» - будем внимательны к премудрости, изложенной в Символе веры. В настоящее время эти возгласы произносятся священником, чтобы мы следили за дверями души своей и не допускали о нее мыслей, желаний и чувств, недостойных святыни великого таинства.

Символ веры

Хор: Верую во единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Когда молящиеся окончат исповедание своей веры, священник приглашает их к благоговейному вниманию, чтобы достойно принести жертву Господу.

Диакон: Станем добре, станем со страхом, вонмем, святое возношение в мире приносити.
На этот призыв молящиеся, указывая, в чем будет состоять их приношение, отвечают:

Хор: Милость мира, жертву хваления.
Священник: Благодать Господа нашего Иисуса Христа, и любы Бога и Отца, и причастие Святаго Духа буди со всеми вами!
Хор: И со духом твоим.
Священник возглашает, побуждая предстоящих отрешиться умом и сердцем от всего земного и мысленно вознестись к небесному: Горе имеим сердца!
Хор: Имамы ко Господу.

По примеру Спасителя, возблагодарившего Бога Отца перед преломлением хлеба на Тайной Вечере, совершение таинства (Евхаристический канон) начинается возгласом:

Священник: Благодарим Господа!
Хор: (земной поклон по будням в начале пения)
Достойно и праведно есть покланятися Отцу и Сыну и Святому Духу, Троице Единосущней и Нераздельней.

Во время этого пения священник, обращаясь к Богу Отцу, тихо читает молитву:

Достойно и праведно Тя пети, Тя благословити, Тя хвалити, Тя благодарити, Тебе покланятися на  всяком месте владычествия Твоего. Ты бо еси Бог Неизреченен, Недоведомь, Невидимь, Непостижимь, присно Сый, такожде Сый, Ты, и Единородный Твой Сын, и Дух Твой Святый. Ты от небытия в бытие нас привел еси, и отпадшия возставил еси паки и не отступил еси, вся творя, дондеже нас на Небо возвел еси и Царство Твое даровал еси будущее.
О сих всех благодарим Тя, и Единороднаго Твоего Сына, и Духа Твоего Святаго о всех, ихже вемы и ихже не вемы, явленных и неявленных благодеяниих, бывших на нас. Благодарим Тя и о службе сей, юже от рук наших прияти изволил есй, аще и предстоят Тебе тысящи Архангелов и тмы Ангелов, Херувими и Серафими, шестокрилатии многоочитии, возвышающиися пернатии.

и заканчивает молитву возгласом, относящимся к упомянутым Ангелам:

Священник победную песнь поюще, вопиюще, взывающе и глаголюще:
Хор от лица всей церкви присоединяется к пению Ангелов, которые на небе взывают:
Свят, Свят, Свят Господь Саваоф: исполнь небо и земля славы Твоея. Осанна в вышних, благословен Грядый во имя Господне. Осанна в вышних.

 «Осанна» - радостное приветствие, которым народ встречал Иисуса Христа при торжественном входе Его в Иерусалим, за шесть дней до Пасхи. «Осанна» - еврейское слово, означающее «спаси, помоги (Бог)» сделалось в устах евреев благожеланием всем лицам, трудившимся для славы Божией и на благо избранного народа Божия. Более всех достоин был этого приветствия Мессия - Спаситель. «Осанна в вышних» значит «Да будет исполнено Богом наше благожелание». «Благословен Грядущий во имя Господа!» - этими словами жители Иерусалима приветствовали Господа нашего Иисуса Христа.

Во время этого песнопения священник продолжает благодарить Бога:

С сими и мы блаженными Силами, Владыко Человеколюбче, вопием и глаголем: Свят еси и Пресвят, Ты и Единородный Твой Сын, и Дух Твой Святый. Свят еси и Пресвят и великолепна слава Твоя; Иже мир Твой тако возлюбил еси, якоже Сына Твоего Единороднаго дати, да всяк веруяй в Него не погибнет, но имать Живот Вечный. Иже, пришед и все еже о нас смотрение исполнив, в нощь, в нюже предаяшеся, паче же Сам Себе предаяше за мирский живот, приемь хлеб во святыя Своя и пречистыя и непорочныя руки, благодарив и благословив, освятив, преломив, даде святым Своим учеником и апостолом, рек.
Священник: Приимте, ядите, сие есть тело Мое, еже за вы ломимое во оставление грехов.
Хор: Аминь.
Священник молится про себя: Подобне и Чашу по вечери, глаголя.
Священник: Пийте от нея вси, сия есть Кровь Моя Новаго Завета, яже за вы и за многия изливаемая во оставление грехов.
Хор: Аминь.

После этого, следуя заповеди Спасителя: «Сие творите в Мое воспоминание», священник продолжает тихо:
Поминающе убо спасительную сию заповедь и вся, яже о нас бывшая: Крест, Гроб, тридневное Воскресение, на Небеса восхождение, одесную седение, второе и славное паки пришествие.

и заключает громко: Твоя от Твоих Тебе приносяще, о всех и за вся.

В это время диакон приподнимает над престолом, крестообразно сложенными руками, Святую Чашу и дискос со Святыми Дарами (святое возношение).

Хор: Тебе поем, Тебе благословим, Тебе благодарим, Господи, и молимтися, Боже наш.
(земной поклон в конце пения по будням)

В это время священник в тайной молитве троекратно призывает Духа Святого на себя и на Дары, лежащие на Престоле, делает крестное знамение над дискосом, Чашей и над обоими вместе, прося Бога, чтобы Он, силою Духа Святого, «преложил хлеб в Тело Христово, а вино в честную Кровь Христову». В это время хлеб и вино таинственно прелагаются, становясь истинным Телом и истинною Кровью Христовой. Освятив Святые Дары, священник благоговейно кланяется до земли пред ними и молится, чтобы эти Святые Дары послужили для причащающихся не в суд или в осуждение, но в прощение грехов, в наследие Царства Небесного и в жизнь вечную.
Эта часть Литургии - самая священная минута, когда мы с величайшим благоговением должны молиться и благодарить Бога за Его несказанную милость в совершении чуда пресуществления Святых Даров.

Потом священник тихо молится Богу о всех членах Церкви:
Еще приносим Ти словесную сию службу о иже в вере почивших праотцех, отцех, патриарсех, пророцех, апостолех, проповедницех, евангелистех, мученицех, исповедницех, воздержницех и о всяком дусе праведнем, в вере скончавшемся.

Священник: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.
Хор отвечает хвалебной песнью в честь Пресвятой Богородицы:
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу Тя величаем. (земной поклон в будни)

Во время пения «Достойно есть» священник продолжает тихо поминать живых и умерших членов Церкви, а также и гражданские власти, чтобы под покровом их управления все проводили мирную жизнь во всяком благочестии и нравственной чистоте. Затем возглашает:

Священник: В первых помяни, Господи, Великаго Господина и Отца нашего Кирилла Святейшего Патриарха Московского и всея Руси, и Господина (имя епархиального епископа),  ихже даруй святым Твоим Церквам в мире, целых, честных, здравых, долгоденствующих, право правящих слово Твоея истины.
Хор: И всех и вся.
Священник: И даждь нам единеми усты и единем сердцем славити и воспевати Пречестное и Великолепное имя Твое, Отца и Сына и Святаго Духа, ныне и присно, и во веки веков.
Хор: Аминь.
Священник: И да будут милости Великаго Бога и Спаса нашего Иисуса Христа со всеми вами.
Хор: И со духом твоим.

Затем начинается приготовление к Причащению.

Просительная ектения

Диакон: Вся святыя помянувше, паки и паки миром Господу помолимся.
О принесенных и освященных Честных Дарех, Господу помолимся.
Хор: Господи, помилуй.
Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную  благодать и  дар Святаго Духа, помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
3аступи, спаси, помилуй и сохрани нас, Боже, Твоею благодатию. Дне всего совершенна, свята, мирна и безгрешна, у Господа просим.
Хор: Господи, помилуй.
Ангела мирна, верна наставника, хранителя душ и телес наших, у Господа просим.
Хор: Подай, Господи.
Прощения и оставления грехов и прегрешений наших, у Господа просим.
Хор: Подай, Господи.
Добрых и полезных душам нашим и мира мирови, у Господа просим.
Хор: Подай, Господи.
Прочее время живота нашего в мире и покаянии скончати, у Господа просим.
Хор: Подай, Господи.
Христианския кончины живота нашего, безболезнены, непостыдны, мирны и добраго ответа на Страшном Судищи Христове, просим.
Хор: Подай, Господи.
Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Хор: Тебе, Господи.
Священник же тихо молится: Тебе предлагаем живот наш весь и надежду, Владыко Человеколюбче, и просим, и молим, и милися деем: сподоби нас причаститися Небесных Твоих и Страшных Таин, сея священныя и духовныя Трапезы, с чистою совестию, во оставление грехов, в прощение согрешений, во общение Духа Святаго, в наследие Царствия Небеснаго, и дерзновение еже к Тебе, не в суд или во осуждение.
Священник: И сподоби нас, Владыко, со дерзновением, неосужденно смети призывати Тебе, Небеснаго Бога Отца и глаголати
Молитва Господня (земной поклон в будни в начале пения)
Хор: Отче наш, Иже еси на небесех! Да святится имя Твое; да приидет Царствие Твое; да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть царство, и сила, и слава, Отца, и Сына, и Святаго Духа, ныне и присно, и во веки веков.
Хор: Аминь.
Священник: Мир всем.
Хор: И духови твоему.
Диакон: Главы ваша Господеви приклоните.
Хор: Тебе, Господи.
Священник молится тихо: Благодарим Тя, Царю Невидимый, Иже неисчетною Твоею силою вся содетельствовал еси и множеством милости Твоея от небытия в бытие вся привел еси. Сам, Владыко, с небесе призри на подклоньшия Тебе главы своя; не бо подклониша плоти и крови, но Тебе, Страшному Богу.
Ты убо, Владыко, предлежащая всем нам во благое изравняй, по коегождо своей потребе: плавающим сплавай, путешествующим спутешествуй, недугующия исцели, Врачу душ и телес.
Священник заканчивает молитву вслух: Благодатию и щедротами и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.
Хор: Аминь.
Диакон: Вонмем!

Закрываются царские врата и завеса. Священник же возносит над дискосом освященный Агнец, возглашая:

Святая святым.

С глубоким благоговением присутствующие поклоняются пред святым Агнцем и в сознании своего недостоинства отвечают:

Хор: Един свят, Един Господь, Иисус Христос, во славу Бога Отца. Аминь.

Приготовив Святые Дары к причащению, священнодействующие причащаются в алтаре. В это время поется причастнай стих - причастен:

Хор (в воскресенье): Хвалите Господа с небес, хвалите Его в вышних. Аллилуиа (трижды).

По причащении священнодействующих царские врата открываются, священник и диакон исходят из алтаря, диакон держит в руках Святую Чашу и возглашает:

Диакон: Со страхом Божиим и верою приступите.

Присутствующие благоговейно поклоняются Святым Дарам, как Самому воскресшему Спасителю, и приветствуют Его словами:

Хор: Благословен Грядый во имя Господне: Бог Господь и явися нам.

Причастники, сложив крестообразно руки, приступают к Святым Тайнам и исповедуют свою веру следующею молитвою:

Священник: Верую, Господи, и исповедую, яко Ты еси воистину Христос, Сын Бога Живаго, пришедый в мир грешныя спасти, от нихже первый есмь аз. Еще верую, яко Сие есть самое Пречистое Тело Твое, и Сия есть самая Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов, и в Жизнь Вечную. Аминь.
Вечери Твоея Тайныя днесь, Сыне Божий, причастника мя приими: не бо врагом Твоим тайну повем, ни лобзания Ти дам яко Иуда, но яко разбойник исповедую Тя: помяни мя, Господи, во Царствии Твоем! Да не в суд или во осуждение будет мне причащение Святых Твоих Таин, Господи, но во исцеление души и тела. Аминь.

По произнесении этой молитвы верующие принимают от священника Тело и Кровь Христовы, целуют основание Святой Чаши и, спустившись с амвона, запивают теплотой. Во время причащения креститься не следует, чтобы не задеть рукой Чашу. В это время хор или народ поет:

Хор: Тело Христово приимите, Источника безсмертнаго вкусите.

По причащении верующих священник ставит Святую Чашу на престол и погружает в нее частицы, вынутые из просфор, в память живых и умерших, со словами:

Отыми, Господи, грехи поминавшихся зде Кровию Твоею Честною, молитвами святых Твоих.

Когда священник опускает в Чашу частицы, вынутые из просфор за живых и умерших, он молится, чтобы Господь простил им их грехи. В это время все помянутые за проскомидией духовно соединяются со Христом, как главой Церкви.

Хор: Аллилуиа (трижды).
Священник обращается к народу и благословляет его:  Спаси, Боже, люди Твоя и благослови достояние Твое.
Хор от имени верующих, сознающих полученные благодеяния, поет: Видехом свет истинный, прияхом Духа Небеснаго, обретохом веру истинную, Нераздельней Троице покланяемся: Та бо нас спасла есть.

Священник, покадив Святые Дары и произнесши про себя: «Благословен Бог наш», в последний раз является со Святою Чашею народу, возглашая:

Всегда, ныне и присно, и во веки веков. (земной поклон)

Верующие, кланяясь до земли Святым Дарам, относимым на жертвенник, как бы возносящемуся на небо Спасителю, поют:

Хор: Аминь. Да исполнятся уста наша хваления Твоего, Господи, яко да поем славу Твою, яко сподобил еси нас причаститися Святым Твоим, Божественным, Безсмертным и Животворящим Тайнам: соблюди нас во Твоей святыни, весь день поучатися правде Твоей. Аллилуиа (трижды).

По отнесении Святых Даров на Жертвенник диакон краткою ектениею приглашает предстоящих к благодарению за причастие Святых Тайн, произнося:

Диакон: Прости приимше Божественных, Святых, Пречистых, Безсмертных, Небесных и Животворящих Страшных Христовых Таин, достойно благодарим Господа.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
День весь совершен, свят, мирен и безгрешен испросивше, сами себе и друг друга, и весь живот наш Христу Богу предадим.
Хор: Тебе, Господи.
Священник: Яко Ты еси освящение наше, и Тебе славу возсылаем, Отцу и Сыну и Святому Духу, ныне и присно, и во веки веков.
Хор: Аминь.
Священник, давая разрешение выйти их храма: С миром изыдем.
Хор:  О имени Господни.
Священник выходит за амвон и произносит заамвонную молитву:
Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех воспрослави Божественною Твоею силою, и не остави нас, уповающих на Тя. Мир мирови Твоему даруй, Церквам Твоим, священником, и всем людем Твоим. Яко всякое даяние благо, и всяк дар совершен свыше есть, сходяй от Тебе, Отца светов; и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков.
Хор: Аминь.
Буди имя Господне благословено от ныне и до века (трижды).

Псалом 33 - й

Багословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною, и вознесем Имя Его вкупе. Взысках  Господа, и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, от всех скорбей его спасе и. Ополчится Ангел Господень окрест боящихся Его, и избавит их. Вкусите, и видите, яко Благ Господь: блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаща и взалкаша: взыскающии же Господа не лишатся всякаго блага. Приидите, чада, послушайте мене, страху Господню научу вас. Кто есть человек хотяй живот, любяй дни видети благи? Удержи язык твой от зла, и устне твои, еже не глаголати льсти. Уклонися от зла, и сотвори благо, взыщи мира и пожени и. Очи Господни на праведныя и уши Его в молитву их. Лице же Господне на творящия злая, еже потребити от земли память их. Воззваша праведнии, и Господь услыша их, и от всех скорбей их избави их. Близ Господь сокрушенных сердцем, и смиренныя духом спасет. Многи скорби праведным, и от всех их избавит я Господь. Хранит Господь вся кости их, ни едина от них сокрушится. Смерть грешников люта, и ненавидящии праведнаго прегрешат. Избавит Господь души раб Своих, и не прегрешат вси уповающии на Него.

Священник: Благословение Господне на вас, Того благодатию и человеколюбием всегда, ныне и присно и во веки веков.
Хор: Аминь.
Священник: Слава Тебе, Христе Боже, Упование наше, слава Тебе.
Хор: Слава Отцу и Сыну и Святому Духу, ныне и присно и во веки веков. Аминь.
Господи помилуй (трижды). Благослови.

Отпуст 

Священник: Воскресый из мертвых, Христос, истинный Бог наш, молитвами Пречистыя Своея Матере, святых славных и всехвальных Апостол, иже во святых отца нашего Иоанна, архиепископа   Константина града, Златоустаго, и святаго (храма и святого, которого память в этот день), святых и праведных Богоотец Иоакима и Анны и всех святых, помилует и спасет нас, яко Благ и Человеколюбец.
Хор: Великаго Господина и Отца нашего Кирилла, Святейшаго Патриарха Московскаго и всея Руси, и Господина (имя епархиального епископа), настоятеля, братию и прихожан святаго храма сего и вся православныя христианы, Господи, сохрани их на многая лета.

Молящиеся прикладываются ко кресту и тихо выходят из храма. Молитвенное участие в Божественной Литургии сообщает христианину великую благодать Божию. Постараемся бережно хранить в себе эту благодать, чтобы она подольше озаряла наши мысли и чувства, направляя наш жизненный путь к обретению Царства Небесного.