Всенощное бдение

Вечерня

Вечерня начинается открытием царских врат. Священник с диаконом молча кадят престол и весь алтарь, и клубы кадильного фимиама наполняют алтарь.

Священник (перед престолом): Слава Святей и Единосущней, и Животворящей, и Нераздельней Троице, всегда, ныне и присно, и во веки веков.
Хор: Аминь.
Священник с диаконом: Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему. Приидите, поклонимся и припадем Ему.

Из 103 - го псалма

Хор: Благослови, душе моя, Господа! Благословен еси, Господи! Господи, Боже мой, возвеличился еси зело. Благословен еси, Господи. Во исповедание и в велелепоту облеклся еси. Благословен еси, Господи. Посреде гор пройдут воды. Дивна дела Твоя, Господи. Вся премудростию сотворил еси. Слава Ти, Господи, сотворившему вся.

Во время пения священник совершает каждение всего храма, диакон же предшествует ему со свечой в руке. Этот момент напоминает молящимся блаженную райскую жизнь первых людей, Адама и Евы, когда Сам Бог являлся им и беседовал с ними. Открытые царские врата означают возможность беспрепятственного общения с Богом в раю безгрешных прародителей.
Но вот люди, соблазненные диаволом, согрешили и лишились рая. Врата Эдема для них закрылись. В напоминание об этом царские врата закрываются после каждения. Диакон же, выйдя из алтаря, становится перед затворенными вратами, как некогда Адам перед вратами рая, и молится Богу. В великой ектении мы молимся об удовлетворении наших важнейших духовных и материальных нужд.

Великая (мирная) ектения

Диакон: Миром Господу помолимся.
Хор: Господи, помилуй.
О свышнем мире и спасении душ наших, Господу помолимся.
Хор: Господи, помилуй.
О мире всего мира, благостоянии святых Божиих церквей и соединении всех, Господу помолимся.
Хор: Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Хор: Господи, помилуй.
О Великом  Господине и Отце нашем Святейшем Патриархе Кирилле, и о(имя рек, правящем епископе), честнем пресвитерстве, во Христе диаконстве, о всем причте и людех, Господу помолимся.
Хор: Господи, помилуй.
О богохранимей стране нашей, властех и воинстве ея  Господу помолимся.
Хор: Господи, помилуй.
О граде сем, всяком граде, стране и верою живущих в них, Господу помолимся.
Хор: Господи, помилуй.
О благорастворении воздухов, о изобилии плодов земных и временех мирных Господу помолимся.
Хор: Господи, помилуй.
О плавающих, путешествующих, недугующих, страждущих, плененных и о спасении их Господу помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Хор: Тебе, Господи.
Священник: Яко подобает Тебе всякая слава, честь и поклонение, Отцу и Сыну и Святому Духу, ныне и присно, и во веки веков.
Хор: Аминь.

Блажен муж

Блажен муж, иже не иде на совет нечестивых. Аллилуиа.
Яко весть Господь путь праведных и путь нечестивых погибнет. Аллилуиа.
Работайте Господеви со страхом и радуйтеся Ему с трепетом. Аллилуиа.
Блажени вси надеющиеся Нань. Аллилуиа.
Воскресни, Господи, спаси мя, Боже мой. Аллилуиа.
Господне есть спасение и на людех Твоих благословение Твое. Аллилуиа.

 Малая ектения

Диакон: Паки и паки миром Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Хор: Тебе, Господи.
Священник: Яко Твоя держава и Твое есть Царство, и сила, и слава, Отца и Сына и Святаго Духа, ныне и присно, и во веки веков.
Хор: Аминь.

Хор поет стихи псалмов, в которых раздается вопль верующей души, просящей прощения и помощи:

Господи воззвах

Господи, воззвах к Тебе, услыши мя. Услыши мя, Господи. Господи, воззвах к Тебе, услыши мя, вонми гласу моления моего, внегда воззвати ми к Тебе. Услыши мя, Господи.
Да исправится молитва моя, яко кадило пред Тобою; воздеяние руку моею, жертва вечерняя. Услыши мя, Господи.

Во время пения этих стихов диакон совершает каждение храма, которое символизирует ветхозаветные жертвоприношения, равно и жертву нашей усердной молитвы. К пению избранных стихов из псалмов присоединяются стихиры на «Господи воззвах». Последняя стихира называется богородичен или догматик. Она посвящается Божией Матери и содержит в себе догмат о воплощении Иисуса Христа, Сына Божия. В праздники же здесь поется особая стихира в честь праздника.
При пении догматика царские врата открываются и совершается вечерний вход: из алтаря северными дверями выходит прислужник со свечой, за ним - диакон с кадилом и священник. Священник становится на амвоне лицом к царским вратам, благословляет крестообразно вход, и, по произнесении слов:

Диакон: Премудрость, прости.

Входит в алтарь. Вынос свечи символизирует ветхозаветные предсказания о пришествии Сына Божия в мир. Хор в это время поет гимн Господу.

 Свете тихий (хор)

Свете тихий святый слава, Безсмертнаго Отца Небеснаго, Святаго, Блаженнаго, Иисусе Христе: пришедше на запад солнца, видевше свет вечерний, поем Отца, Сына и Святаго Духа, Бога. Достоин еси во вся времена пет быти гласы преподобными, Сыне Божий, живот даяй, темже мир Тя славит.

После «Свете тихий» поется прокимен, под воскресенье чаще всего следующий:

Прокимен

Господь воцарися, в лепоту облечеся.

Затем, в большие праздники, читаются паремии - избранные места Священного Писания, в которых содержатся пророчества или указываются прообразы, относящиеся к празднуемому событию.

Сугубая ектения

Начиная с прошения «Помилуй нас, Боже», хор поет «Господи, помилуй»трижды.

Диакон: Рцем вси от всея души, и от всего помышления нашего рцем.
Хор: Господи, помилуй.
Господи Вседержителю, Боже отец наших, молимтися, услыши и помилуй.
Хор: Господи, помилуй.
Помилуй нас, Боже, по велицей милости Твоей, молимтися, услыши и помилуй.
Хор: Господи, помилуй (трижды).
Еще молимся о Великом Господине и Отце нашем Святейшем Патриархе Кирилле, и Господине нашем (имя рек правящего епископа), и всей во Христе братии нашей.
Хор: Господи, помилуй (трижды).
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды).
Еще молимся о братиях наших, священницех, священномонасех, и всем во Христе братстве нашем.
Хор: Господи, помилуй (трижды).
Еще молимся о блаженных и приснопамятных создателех святаго храма сего, и о всех преждепочивших отцех и братиях, зде лежащих и повсюду православных.
Хор: Господи, помилуй (трижды).
Еще молимся о милости, жизни, мире, здравии, спасении, посещении, прощении оставлении грехов рабов Божиих, братии святаго храма сего.
Хор: Господи, помилуй (трижды).
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Хор: Господи, помилуй (трижды).
Священник: Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков.
Хор: Аминь.
Хор или народ: Сподоби, Господи, в вечер сей | без греха сохранитися нам. | Благословен еси, Господи, | Боже отец наших, | и хвально и прославлено | имя Твое во веки. Аминь. | Буди, Господи, милость Твоя на нас, | якоже уповахом на Тя. | Благословен еси, Господи, научи мя оправданием Твоим. | Благословен еси, Владыко, | вразуми мя оправданием Твоим. | Благословен еси, Святый, | просвети мя оправдании Твоими. | Господи, милость Твоя во век, | дел руку Твоею не презри. | Тебе подобает хвала, | Тебе подобает пение, | Тебе слава подобает, | Отцу и Сыну и Святому Духу, | ныне и присно, || и во веки веков. Аминь.

Просительная ектения

Начиная с прошения «Вечера всего совершенна…» хор поет: «Подай, Господи».

Диакон: Исполним  вечернюю молитву нашу Господеви.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Вечера всего совершенна, свята, мирна и безгрешна у Господа просим.
Хор: Господи, помилуй.
Ангела мирна, верна наставника хранителя душ и телес наших, у Господа просим.
Хор: Господи, помилуй.
Прощения и оставления грехов и прегрешений наших, у Господа просим.
Хор: Господи, помилуй.
Добрых и полезных душам нашим и мира мирови у Господа просим.
Хор: Господи, помилуй.
Прочее время живота нашего в мире и покаянии скончати, у Господа просим.
Хор: Господи, помилуй.
Христианския кончины живота нашего, безболезнены, непостыдны, мирны и добраго ответа на Страшнем Судищи Христове просим.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Хор: Господи, помилуй.
Священник: Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков.
Хор: Аминь.
Священник: Мир всем.
Хор: И духови твоему.
Диакон: Главы наша Господеви приклоним.
Хор: Тебе, Господи.
Священник тихо произносит молитву главопреклонения: Господи Боже наш, приклонивый небеса и сошедый на спасение рода человеческаго, призри на рабы Твоя и на достояние Твое, Тебе бо, Страшному и Человеколюбцу Судии, Твои раби подклониша главы, своя же покориша выя, не от человек ожидающе помощи, но Твоея ожидающе милости и Твоего чающи спасения: яже сохрани на всякое время, и по настоящем вечере, и в приходящую нощь, от всякаго врага, от всякаго противнаго действа диавольскаго, и от помышлений суетных, и воспоминаний лукавых.
Священник: Буди держава Царствия Твоего благословена и препрославлена, Отца и Сына и Святаго Духа, ныне и присно и во веки веков.
Хор: Аминь.

В большие праздники после этой молитвы совершается лития (в притворе, следуя древней традиции, чтобы дать возможность участвовать в богослужении стоявшим здесь оглашенным и кающимся). В конце литии освящаются пять хлебов, пшеница, вино и елей. В древности освященные хлеба и вино раздавались богомольцам с целью подкрепить их перед предстоящим ночным богослужением. Пять хлебов напоминают о чуде насыщения Спасителем пяти тысяч человек.
Далее читается или поется молитва св. Симеона Богоприимца, которую праведный Симеон произнес, держа на руках 40-дневного Младенца Христа:

Хор: Ныне отпущаеши раба Твоего, Владыко, по глаголу Твоему, с миром: яко видеста очи мои спасение Твое, еже еси уготовал пред лицем всех людей, свет во откровение языков, и славу людей Твоих, Израиля.

Чтец читает молитвы от Трисвятого до «Отче наш»

Священник: Яко Твое есть Царство и сила, и слава, Отца и Сына и Святаго Духа, ныне и присно, и во веки веков.
Хор: Аминь.

Поется тропарь праздника трижды. В субботу поется ангельское приветствие Богородице:

Богородице Дево, радуйся, Благодатная Марие, Господь с Тобою: благословена Ты в женах и благословен плод чрева Твоего, яко Спаса родила еси душ наших.

Если была лития, священник читает молитву о благословении хлебов, пшеницы, вина и елея.

Хор: Буди имя Господне благословено от ныне и до века. (Трижды)

Псалом 33 - й

Багословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною, и вознесем Имя Его вкупе. Взысках  Господа, и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, от всех скорбей его спасе и. Ополчится Ангел Господень окрест боящихся Его, и избавит их. Вкусите, и видите, яко Благ Господь: блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаща и взалкаша: взыскающии же Господа не лишатся всякаго блага.

Священник: Благословение Господне на вас, Того благодатию и человеколюбием всегда, ныне и присно и во веки веков.
Хор: Аминь.

Таким образом, конец вечерни указывает на исполнение предсказаний о пришествии Христа. Чтением шестопсалмия начинается вторая часть всенощной.


Утреня

Утреня посвящается новозаветным событиям: явлению Господа нашего Иисуса Христа в мир, Его проповеди, славному Воскресению из мертвых и другим. Начало утрени прямо указывает на Рождество Христово, когда в храме слышится славословие Ангелов, явившихся вифлеемским пастухам: «Слава в вышних Богу, и на земли мир, в человецех благоволение».
Затем следует стих из 50-го псалма «Господи, устне мои отверзеши, и уста моя возвестят хвалу Твою» дважды и шестопсалмие - шесть избранных псалмов (3, 37, 62, 87, 102, 142), в которых изображается бедственное состояние человека, сознающего свою греховность, и мольба о спасении. Эти псалмы замечательны глубиной покаянного чувства и крепкой надежды на Бога. Во время чтения шестопсалмия храм погружается в полумрак, и молящиеся внимают молитвам с сосредоточенным благоговением.

Великая (мирная) ектения 

Диакон: Миром Господу помолимся.
Хор: Господи, помилуй.
О свышнем мире и спасении душ наших, Господу помолимся.
Хор: Господи, помилуй.
О мире всего мира, благостоянии святых Божиих церквей и соединении всех, Господу помолимся.
Хор: Господи, помилуй.
О святем храме сем и с верою, благоговением и страхом Божиим входящих в онь, Господу помолимся.
Хор: Господи, помилуй.
О Великом  Господине и Отце нашем Святейшем Патриархе  Кирилле, и о (имя рек, правящем епископе), честнем пресвитерстве, во Христе диаконстве, о всем причте и людех, Господу помолимся.
Хор: Господи, помилуй.
О богохранимей стране нашей, властех и воинстве ея  Господу помолимся.
Хор: Господи, помилуй.
О граде сем, всяком граде, стране и верою живущих в них, Господу помолимся.
Хор: Господи, помилуй.
О благорастворении воздухов, о изобилии плодов земных и временех мирных Господу помолимся.
Хор: Господи, помилуй.
О плавающих, путешествующих, недугующих, страждущих, плененных и о спасении их Господу помолимся.
Хор: Господи, помилуй.
О избавитися нам от всякия скорби, гнева и нужды, Господу помолимся.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Хор: Тебе, Господи.

Бог Господь

Бог Господь и явися нам, благословен Грядый во имя Господне!

Пение «Бог Господь» переходит в тропарь - молитву, в которой излагается суть данного праздника.
Затем читаются очередные кафизмы - богослужебные разделы Псалтири. После кафизм совершается самая торжественная часть всенощной:

Полиелей

Полиелей - слово греческое и означает «многомилостие» по причине частого повторения хором «Яко (потому что) в век милость Его». В этой части богослужения молящиеся благодарят Бога за пришествие Сына Божия на землю и за Его благодеяния роду человеческому словами следующих избранных псалмов:

Хор: Хвалите имя Господне, хвалите, раби Господа. Аллилуиа.
Благословен Господь от Сиона, живый во Иерусалиме. Аллилуиа.
Исповедайтеся Господеви, яко Благ, яко в век милость Его. Аллилуиа.
Исповедайтеся Богу Небесному, яко в век милость Его. Аллилуиа.

При пении «Хвалите имя Господне» в храме зажигаются все лампады и паникадило (главная люстра), открываются царские врата, и священник, предшествуемый диаконом со свечой и прислужниками, выходит из алтаря и совершает каждение по всему храму. На всенощных под воскресенье пение «Хвалите» переходит в пение тропарей «по Непорочных», повествующих о пришествии жен-мироносиц ко гробу Спасителя, где они от Ангелов узнали о чуде Его воскресения.

Тропари по Непорочных

Благословен еси, Господи, научи мя оправданием Твоим.
Ангельский собор удивися, зря Тебе в мертвых вменившася, смертную же, Спасе, крепость разориша, и с Собою Адама воздвигша, и от ада вся свобождша.
Благословен еси, Господи, научи мя оправданием Твоим.
Почто мира с милостивными слезами, о ученицы, растворяете; блистаяйся во гробе Ангел мироносицам вещаше: видите вы гроб и уразумейте: Спас бо воскресе от гроба.
Благословен еси, Господи, научи мя оправданием Твоим. 
Зело рано мироносицы течаху ко гробу Твоему рыдающия, но предста к ним Ангел и рече: рыдания время преста, не плачите, воскресение же апостолом рцыте.
Благословен еси, Господи, научи мя оправданием Твоим.                       
Мироносицы жены с миры пришедша ко гробу Твоему, Спасе, рыдаху, Ангел же к ним рече, глаголя: что с мертвыми Живаго помышляете? Яко Бог бо воскресе от гроба.
Слава: Поклонимся Отцу и Его Сынови и Святому Духу, Святей Троице во едином существе с Серафимы зовуще: Свят, Свят, Свят еси Господи.
И ныне: Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из  Тебе воплотивыйся Бог и Человек. 
Аллилуиа (трижды).
(малый поклон и 3 крестных знамения)

В праздники, вместо тропарей «по Непорочных», перед иконой праздника поется величание - краткий хвалебный стих в честь празднуемого события или святого, чередуясь со стихами избранного псалма. Далее исполняется хором антифон степенна.* В праздники поется следующий антифон 4-го гласа:

Антифон 4 - го гласа

Слава: От юности моея мнози борют мя страсти, но Сам мя заступи и спаси, Спасе мой. Ненавидящия Сиона посрамитеся от Господа, яко трава бо огнем будете изсохше.
И ныне: Святым Духом всяка душа живится и чистотою возвышается, светлеется Троическим Единством священнотайне.

Затем возглашается прокимен, и священник читает Евангелие: под воскресенье - о явлении воскресшего Христа апостолам, в другие же праздники - евангельское повествование, относящееся к данному событию. Под воскресенье сразу после Евангелия поется гимн в честь воскресшего Господа:

 Воскресная песнь по Евангелии, глас 6:

Воскресение Христово видевше, | поклонимся Святому Господу Иисусу, | Единому Безгрешному. | Кресту Твоему покланяемся, Христе, | и Святое Воскресение Твое поем и славим. | Ты бо еси Бог наш, | разве Тебе иного не знаем, | имя Твое именуем. | Приидите вси вернии, | поклонимся Святому Христову Воскресению: | се бо прииде Крестом радость всему миру, | всегда благословяще Господа, | поем Воскресение Его; | распятие бо претерпев, | смертию смерть разруши.

Затем читается псалом 50 - й «Помилуй мя, Боже...»"

Хор: Слава: Молитвами апостолов, Милостиве, очисти множество согрешений наших.
И ныне: Молитвами Богородицы, Милостиве, очисти множество согрешений наших.
Помилуй мя, Боже, по велицей милости Твоей, и по множеству щедрот Твоих очисти беззаконие мое.

Затем хор поет воскресную стихиру (или стихиру праздника): Воскрес Иисус от гроба, Якоже прорече, даде нам Живот Вечный и велию милость.

Евангелие полагается на аналой посреди храма для целования. В другие праздники верующие прикладываются к праздничной иконе, после чего священник помазывает их елеем, благословенным на литии, и раздает освященный хлеб. Диакон читает молитву «Спаси, Боже, люди Твоя», в которой просит Бога по молитвам святых угодников Божиих помиловать всех богомольцев. Далее следует канон.

Канон

Каноном называется собрание девяти песней, составленных по определенному образцу. Первый стих каждой песни (части) канона называется ирмос (связь), потому что ирмосами части канона связываются в одно целое. Ирмосы поются, остальные стихи каждой песни канона (тропари) читаются. Между тропарями канона вставляются короткие стихи, например: «Слава, Господи, святому Воскресению Твоему» или «Пресвятая Богородице, спаси нас» и другие, в зависимости от содержания тропарей канона. После каждой песни канона (или только в конце З-й, 6-й, 8-й и 9-й песен) поются заключительные ирмосы - катавасии. После катавасий З-й, 6-й и 9-й песней диакон возглашает малую ектению.

Перед девятым ирмосом диакон возглашает: "Богородицу и Матерь Света в песнех возвеличим!" и кадит храм.
Хор же поет вдохновенную молитвенную песнь, составленную Святой Девой Марией:

Песнь Пресвятой Богородицы

Величит душа Моя Господа, | и возрадовася дух Мой о Бозе Спасе Моем. (малый поклон, крестное знамение)
Честнейшую Херувим | и Славнейшую без сравнения Серафим, | без истления Бога Слова рождшую, |сущую Богородицу, Тя величаем. 
Яко призре на смирение Рабы Своея, | се бо от ныне ублажит мя вси роди.
Яко сотвори Мне величие Сильный, и свято имя Его, | и милость Его в роды родов боящимся Его.
Сотвори державу мышцею Своею, | расточи гордыя мыслию сердца их.
Низложи сильныя со престол, и вознесе смиренныя, | алчущия исполни благ, и богатящияся отпусти тщи.
Восприят Израиля отрока Своего, помянути милости, | якоже глагола ко отцем нашим, Аврааму и семени его даже до века.

После канона и чтения светильна поются первые стихи хвалитных псалмов (148 - 150), в которых все творение Божие призывается к прославлению Бога:

Хвалитные псалмы

Всякое дыхание да хвалит Господа. Хвалите Господа с небес, хвалите Его в вышних. Тебе подобает песнь Богу.
Хвалите Его вси Ангели Его, хвалите Его вся силы Его. Тебе подобает песнь Богу.

Далее со стихами хвалитных псалмов чередуются стихиры на хвалитех. В конце хвалитных стихир царские врата открываются и на воскресной утрени в честь Божией Матери поется следующая молитва:

Богородичен, глас 2:

Преблагословенна еси, Богородице Дево: Воплощшим бо ся из Тебе ад пленися, Адам воззвася, клятва потребися, Ева свободися, смерть умертвися и мы ожихом. Тем воспевающе вопием: благословен Христос Бог, благоволивый тако, слава Тебе.

Священник: Слава Тебе, показавшему нам свет!
Хор: Великое славословие (малый поклон, крестное знамение)

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя, великия ради славы Твоея. Господи, Царю Небесный, Боже Отче Вседержителю. Господи, Сыне Единородный, Иисусе Христе и Святый Душе. Господи Боже, Агнче Божий, Сыне Отечь, вземляй грех мира, помилуй нас: вземляй грехи мира, приими молитву нашу, седяй одесную Отца, помилуй нас. Яко Ты еси един Свят, Ты еси един Господь Иисус Христос, в славу Бога Отца. Амйнь.
На всяк день благословлю Тя и восхвалю имя Твое во веки и в век века.(малый поклон, крестное знамение) 
Сподоби, Господи, в день сей  без греха сохранитися нам. Благословен еси, Господи, Боже отец наших, и хвально и прославлено имя Твое во веки. Аминь.
Буди, Господи, милость Твоя на нас, якоже уповахом на Тя.
Благословен еси, Господи, научи мя оправданием Твоим. (Трижды)
Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой, яко у Тебе источник живота, во свете Твоем узрим свет. Пробави милость Твою ведущим Тя.

Великое славословие заканчивается пением: Святый Боже, Святый Крепкий, Святый Безсмертный, помилуй нас.
(малый поклон и крестное знамение 3 раза)
Затем поется тропарь праздника. Под воскресенье же поется один из следующих тропарей:

Тропари воскресные по великом славословии

Днесь спасение миру бысть, поем Воскресшему из гроба, и Начальнику жизни нашея; разрушив бо смертию смерть, победу даде нам и велию милость.
Воскрес из гроба и узы растерзал еси ада; разрушил еси осуждение смерти, Господи, вся от сетей врага избавивый: явивый же Себе Апостолом Твоим, послал еси я на проповедь, и теми мир Твой подал еси вселенней, Едине Многомилостиве.

Сугубая ектения

Помилуй нас, Боже, по велицей милости Твоей, молимтися, услыши и помилуй.
Хор: Господи, помилуй (трижды).
Еще молимся о Великом Господине и Отце нашем Святейшем Патриархе Кирилле, и Господине нашем (имя рек правящего епископа), и всей во Христе братии нашей.
Хор: Господи, помилуй (трижды).
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды).
Еще молимся о братиях наших, священницех, священномонасех, и всем во Христе братстве нашем.
Хор: Господи, помилуй (трижды).
Еще молимся о блаженных и приснопамятных создателех святаго храма сего, и о всех преждепочивших отцех и братиях, зде лежащих и повсюду православных.
Хор: Господи, помилуй (трижды).
Еще молимся о милости, жизни, мире, здравии, спасении, посещении, прощении оставлении грехов рабов Божиих, братии святаго храма сего.
Хор: Господи, помилуй (трижды).
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Хор: Господи, помилуй (трижды).

Просительная ектения

Начиная с прошения «Вечера всего совершенна…» хор поет: «Подай, Господи».

Диакон: Исполним  утреннюю молитву нашу Господеви.
Хор: Господи, помилуй.
Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Вечера всего совершенна, свята, мирна и безгрешна у Господа просим.
Хор: Господи, помилуй.
Ангела мирна, верна наставника хранителя душ и телес наших, у Господа просим.
Хор: Господи, помилуй.
Прощения и оставления грехов и прегрешений наших, у Господа просим.
Хор: Господи, помилуй.
Добрых и полезных душам нашим и мира мирови у Господа просим.
Хор: Господи, помилуй.
Прочее время живота нашего в мире и покаянии скончати, у Господа просим.
Хор: Господи, помилуй.
Христианския кончины живота нашего, безболезнены, непостыдны, мирны и добраго ответа на Страшнем Судищи Христове просим.
Хор: Господи, помилуй.
Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Хор: Господи, помилуй.
Священник: Яко Бог милости и щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Священник: Мир всем.
Хор: И духови твоему.
Диакон: Главы наша Господеви приклоним. 
Хор: Тебе, Господи.
Священник тихо произносит молитву: Господи Святый, в вышних живый и на смиренныя призираяй, и всевидящим оком Твоим призираяй на всю тварь; Тебе приклонихом выю сердца и телесе, и молимся Тебе, простри руку Твою невидимую от святаго жилища Твоего и благослови вся ны: и аще что согрешихом, волею или неволею, яко Благ и Человеколюбец Бог прости, даруя нам мирная и премирная благая Твоя.
Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Диакон: Премудрость.
Хор: Благослови.
Священник: Сый благословен, Христос Бог наш, всегда, ныне и присно и во веки веков. 
Хор: Аминь. Утверди, Боже, святую православную веру православных христиан во век века.
Священник: Пресвятая Богородице, спаси нас.
Хор: (малый поклон, крестное знамение) Честнейшую Херувим и Славнейшую без сравнения Серафим, без истления Бога Слова рождшую, сущую Богородицу, Тя величаем.
Священник: Слава Тебе, Христе Боже, упование наше, слава Тебе(малый поклон, крестное знамение)
Хор: Слава Отцу и Сыну и Святому Духу, и ныне и присно и во веки веков. Аминь. Господи помилуй (трижды). Благослови.
Священник: Отпуст Христос, Воскресый из мертвых, истинный Бог наш, молитвами Пречистыя Своея Матере, святых славных и всехвальных апостол (и поминается святой, во имя которого освящен храм, и святой, память которого пришлась на этот день), святых и праведных Богоотец Иоакима и Анны и всех святых, помилует и спасет нас, яко Благ и Человеколюбец.
Хор: Великаго Господина и Отца нашего Кирилла, Святейшаго Патриарха Московскаго и всея Руси, настоятеля, братию и прихожан святаго храма сего и вся православныя христианы, Господи, сохрани их на многая лета.

После этого всенощная переходит к своей заключительной части - 1-му часу. В это время свечи гасятся, и храм снова погружается в полумрак. Приведем только последнюю молитву священника, которую он читает перед иконой Спасителя:

Священник: Христе, Свете истинный, просвещаяй и освящаяй всякаго человека, грядущаго в мир, да знаменается на нас свет лица Твоего, да в нем узрим Свет Неприступный, и исправи стопы наша к деланию заповедей Твоих, молитвами Пречистыя Твоея Матере и всех Твоих святых. Аминь.
Хор отвечает гимном в честь Богородицы:

Кондак, глас 8:

Взбранной  Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Тй: радуйся, Невесто Неневестная.

Всенощная насыщена воспоминаниями священных событий. В своих молитвах и действиях она развертывает перед молящимися величественную реку благодеяний Божиих. На праздничных богослужениях всенощная раскрывает значение многих новозаветных священных событий и подвигов великих угодников Божиих.
Если мы будем молитвенно участвовать в вечерних богослужениях, то начнем глубже понимать свою Православную веру, живее почувствуем близость Божию и Его любовь к нам. В этом, собственно, и заключается цель всенощной: приобщить нас к духовному богатству Церкви, облагоухать нас благодатью Святого Духа, веющей и храме, настроить нас мыслить и чувствовать по-христиански. Поэтому не будем поддаваться лености, но понудим себя ходить на вечерние богослужения, и обогатимся нетленным сокровищем веры и благодати!